នៅពេលដែលមាននណាម្នាក់ក្នុងចំណោមសមាជិកគ្រួសាររបស់អ្នកមានចៃ មិនយូរមិនឆាប់ទេអ្នកផ្សេងទៀតក៏អាចឆ្លងចៃដែរ។ នេះហើយជាហេតុផលដែលអ្នកគួរតែប្រញាប់រកវិធីជាបន្ទាន់ដើម្បីកម្ចាត់ចៃចោលឲ្យអស់។ ខាងក្រោមនេះជាវិធីសាស្ត្របែបធម្មជាតិបីយ៉ាង ដែលអាចកម្ចាត់ចៃយ៉ាងមានប្រសិទ្ធិភាព ហើយគ្មានផលប៉ះពាល់ដល់សុខភាពថែមទៀត៖
វិធីសាស្ត្រទី ១
ចាក់ទឹកខ្មេះប៉ោមទៅញើនៅលើគល់សក់ឲ្យសព្វ វានឹងជម្រះពងចៃដែលស្អិតជាប់នៅលើសក់របស់អ្នកបាន។ មួយសន្ទុះក្រោយមកយកប្រេងដូងទៅញើលើសក់របស់អ្នកបន្តទៀត វានឹងជួយសម្លាប់ចៃឲ្យអស់គ្នាសល់។
វីធីសាស្ត្រទី ២
ប្រេងដូង នឹងខ្ទឹមស
យកខ្ទឹមស ៨ ទៅ ១០កំពឹស កិនឲ្យម៉ត់ រួចលាយជាមួយនឹងប្រេងដូង។ ចាប់ផ្តើមអនុវត្តល្បាយនេះនៅលើក្បាលរបស់អ្នក។ មិនយូរទេចៃនៅលើក្បាលនឹងបាត់អស់ ព្រោះសារធាតុទាំងពីរនេះលាយបញ្ចូលគ្នាពិតជាមានប្រសិទ្ធិភាពបំផុត។
វិធីសាស្ត្រទី ៣
ប្រេងដូង ក្រូចឆ្មា និងតែបៃតង
លាយប្រេងដូង ទឹកក្រូចឆ្មា និងតែបៃតងបញ្ចូលគ្នា។ បន្ទាប់មកអនុវត្តល្បាយនេះនៅលើគល់សក់ វានឹងសម្លាប់មេចៃ ព្រមទាំងពងរបស់វាបានថែមទៀត។
វិធីទាំងបីខាងលើនេះសុទ្ធតែមានប្រសិទ្ធិភាពដូចគ្នា ដូច្នេះអ្នកអាចប្រើប្រាស់ប្រើប្រាស់វិធីមួយណាក៏បានដែរ៕
0 comments:
Post a Comment